CLICK HERE FOR THE ENGLISH VERSION

Die 2012 MK Musiekvideoprojek (MVP) is hier.

Oor die afgelope paar maande het verskeie produksiemaatskappye en plaaslike musiekgroepe kragte saamgespan om met die blinkste, nuutste, varsste musiekvideo-idees vorendag te kom om deel te neem aan die 2012 MK MVP. Vanjaar het die projek meer inskrywings as ooit tevore ontvang en die beoordelaars moes lank en hard dink om die finaliste te identifiseer, maar op die ou einde is twaalf talentvolle kunstenaars gekies.

Die beoordelaars het die volgende elemente in ag geneem om die top 12 te identifiseer: die posisionering van die groep of kunstenaar, die liedjie, die visuele elemente van die voorgestelde video en hoe goed die konsep by die MK-handelsmerk inskakel.

Die MK MVP 2012 musiekvideo's, kliek deur, kyk en deel:

• aKING, Jezebel, vervaardiging deur Supra Familias


• Bicycle Thief, Goodbye Ian Curtis, vervaardiging deur Motion City Films


• Die Skynmaagde, Die Kommunis Sokkie, vervaardiging deur Sound Surgeon CC


• Die Tuin Dwergies, Blou Gras, vervaardiging deur VPH Films


• Jack Parow, Afrikaans is Dood, vervaardiging deur Little Big Productions


• Jakkals, Rum Trifle, vervaardiging deur Crave Pictures


• Gazelle, Val Van Die Ryk, vervaardiging deur 187 Pictures


• P.H. Fat, City Of Thieves, vervaardiging deur CAB


• Shortstraw, Waterworks, vervaardiging deur Mustard Post Production


• Spoegwolf, Somersetwes, vervaardiging deur The Suits


• The Plastics, Best Pretenders, vervaardiging deur Andover


• Van Coke Kartel, Buitenkant II, vervaardiging deur Groundglass

Die offisiële MK MVP musiekvideo playlist:



Meer oor die MK MVPs:

Die MK MVP is tans in sy derde bestaansjaar. Oor die afgelope drie jaar het die projek ongelooflik gegroei. "Ons het vanjaar bykans dubbel soveel inskrywings in vergelyking met verlede jaar ontvang. Dit is vir ons 'n bewys dat dié in die bedryf die waarde van die projek verstaan. Ons is ongelooflik bly daaroor. Dit is vir ons geweldig bevredigend om die groei en vooruitgang van ons vorige wenners te volg en is daarom baie bly om met die projek voort te gaan. Daar is 'n groot aantal kunstenaars en groepe in die Suid-Afrikaanse musiekbedryf wat ongelooflike potensiaal toon. As die MK MVP vir hulle 'n platform word om hulle projekte te bevorder, is dit wonderlik!" vertel MK se inhoudsbestuurder, Stephan Potgieter.

MK het in die afgelope jaar uitsonderlike musiekvideo-konsepte en produksies gesien. Dit is 'n goeie aanduiding dat plaaslike produksiemaatskappye en kunstenaars daarna streef om werk van hoë gehalte te lewer waarop hulle en hulle plaaslike en internasionale aanhangers kan trots wees. Die MK-span is opgewonde om te sien hoe vanjaar se MVP sal vaar teen vorige jare se inskrywings. "Die inskrywings het verseker oor die jare verbeter. Ons het 'n punt bereik waar sommige van ons Suid-Afrikaanse videos op 'n internasionale vlak kan meeding. Ek dink hierdie groei in standaarde het te doen met 'n passie vir die produk.  Ek dink dat MK-kykers en die kunstenaars se aanhangers beïndruk sal wees met wat die MK MVP gaan lewer."

Oor die volgende paar weke gaan MK die vordering van die kunstenaars en hulle videos fyn dophou.

Al 12 videos verskyn in November esklusief op MK.

Hou 'n ogie op MK se sosiale mediakanale vir ekslusiewe agter die skerms inhoud.

CLICK HERE TO SEE WHO ENTERED THIS YEAR


Follow @mktv_